17.12.2009

Bocuse d’Or Akademían á Íslandi og Fastus undirrituðu samstarfssamning um notkun á fullkomnu kennslu- og æfingareldhúsi Fastus í Síðumúla 16.Þessi samningur er framhald af samstarfi sem Fastus og Bocuse d´Dor Akademían á Íslandi hafa átt í undanfarin ár.Á sýningunni StórEldhúsið, var kynntur til sögunnar næsti keppandi sem fer fyrir Íslands hönd í undankeppni fyrir Bocuse d´Or matreiðslukeppnina í LYON í Frakklandi sem haldin verður að þessu sinni í janúar 2011, en sjálf undankeppnin verður Genf í Sviss dagana 7. - 8. júní 2010.Keppandinn verður Þráinn Freyr Vigfússon aðstoðar-yfirmatreiðslumaður í Grillinu. Þráinn hefur einnig áunnið sér titilinn Matreiðslumaður ársins í árlegri keppni mateiðslumanna sem haldin er á vegum Klúbbs Matreiðslumeistara.  Aðal þjálfari Þráins verður Hákon Már Örvarsson, sem á sínum tíma hreppti 3. sætið í þessari keppni árið 2001.Sturla Birgisson verður einnig kjölfesta í öllum undirbúningi fyrir keppnina, en hann verður einn af 24 dómurum í keppninni. Þeir Friðgeir Ingi Eiríksson, Ragnar Ómarsson og Bjögvin Mýrdal, sem tekið hafa þátt í þessari keppni fyrir Íslands hönd, í þessari erfiðustu einstaklings matreiðslukeppni í heiminum, munu svo leggja sitt að mörkum við verkefnið og þjálfun Þráins.

Efri röð:Björgvin Mýrdal, Bjarni Alfreðsson, Sturla Birgisson, Friðgeir Eiríksson, Jakob Magnússon, Eiríkur Friðgeirsson og Hákon Már ÖrvarssonNeðri röð:Friðrik Sigurðsson, Þráinn Freyr Vigfússon og frá Fastus Örn Guðmundsson, Jóhann Valur Stefnisson