Um Fastus
Opnunartími
Opnunartími er eftirfarandi:
Mánudag til föstudag 8:30-17:00
Lokað á laugardögum og sunnudögum.
Neyðarvakt viðgerðarþjónustu er frá 17 á föstudögum til kl. 21 á sunnudögum. Sími neyðarvaktinar er 580 3940.
Um fyrirtækið Að baki Fastus ehf. stendur öflugur hópur starfsfólks með mikla reynslu í sölu, þjónustu og ráðgjöf á heilbrigðis- og fyrirtækjamarkaði. Meðal ráðgjafa okkar eru hjúkrunarfræðingar, matreiðslumeistarar og tæknimenntað starfsfólk.
Við skiptum fyrirtækinu upp í veitinga- og iðnaðarsvið, heilbrigðistæknisvið og tækni- og þjónustusvið.
Ráðgjöf og þekking
Fastus býður upp á hagkvæmar lausnir hvort sem um ræðir hönnun á skurðstofu, veitingastað eða mötuneyti. Við bjóðum vörur frá heimsþekktum framleiðendum sem eru leiðandi hver á sínu sviði. Erfitt getur verið að meta reynslu starfsmanna til fjár en reynslan getur sparað viðskiptavinum okkar mikið fé, tíma og fyrirhöfn. Starfsmenn fyrirtækisins veita faglega ráðgjöf og hvetjum við fagaðila að hafa samband við ráðgjafa okkar í upphafi hönnunarferils.
Öflug tækni- og varahlutaþjónusta
Fastus býður upp á öfluga tækniþjónustu með sérþjálfaða starfsmenn sem annast viðahald og þjónustu meðal annars á lækningatækjum, rannsóknartækjum og stóreldhústækjum.
| Heilbrigðissvið Á heilbrigðistæknisviði þjónustum við sjúkrahús og heilbrigðisstofnanir, dvalar- og hjúkrunarheimili og rannsóknarstofur. Fastus býður upp á fjölbreytt vöruúrval á heilbrigðissviði og má þar nefna hjúkrunar- og sjúkrarúm, skurðarborð, sótt- og dauðhreinsitæki, hjálpartæki fyrir umönnun aldraðra, rannsóknarvörur, vökva- og sprautudælur, stenta, bæklunarvörur, loftdýnur og ýmsar aðrar vörur til varnar sáramyndunar. Sjúkrahús og heilbrigðisstofnanir Heilbrigðissvið sinnir öllum deildum sjúkrahúsanna. Auk almennra hjúkrunarvara einbeitir fyrirtækið sér að bæklunarsviði, geðheilbrigðissviði, gjörgæslusviði, hjarta- og lungnasviði, kvennasviði, röntgensviði, skurðsviði, speglunarsviði, svæfingarsviði og öldrunarsviði. Dvalar- og hjúkrunarheimili Fastus hefur fjölbreytt vöruúrval fyrir dvalar- og hjúkrunarheimili ásamt því að búa yfir mikilli þekkingu og reynslu hvað varðar hönnun á hjúkrunarrýmum með tilliti til mismunandi þarfa íbúa. Við bjóðum upp á hjúkrunarrúm, hjálpartæki fyrir hreyfihamlaða ásamt húsgögnum sem eru sérstaklega hönnuð með tilliti til þarfa þessa hóps. Fastus hefur umboð fyrir hjúkrunar- og sjúkrarúm frá Völker en þau hafa verið meðal vinsælustu hjúkrunar- og sjúkrarúma landsins og eru í notkun á fjölda dvalar- og hjúkrunarheimila. Rannsóknarstofur Rannsóknarsvið þjónustar rannsóknarstofur og býður úrval lausna, s.s. tæki fyrir blóð- og hormónarannsóknir, kæli- og frystiskápa, ljósbrotsmælitæki, rafdráttartæki, hitaskáopa, innréttingar, microplötu lesara, ásamt áhöldum og rekstrarvöru. Starfsmenn rannsóknarsviðs hafa mikla þekkingu, menntun og reynslu á þessu sviði. Mikil tækni- og vöruþekking er innan fyrirtækisins. Sérhæfing starfsmanna er á mismunandi heilbrigðissviðum og hefur starfsfólk okkar fengið mikla menntun og þjálfun erlendis. Tæknifólk okkar sækir reglulega námskeið erlendis til að viðhalda háu þjónustustigi til sjúkrahúsa og heilbrigðisstofnana. |
Veitinga- og iðnaðarsvið Á veitinga- og iðnaðarsviði þjónustum við stóreldhús, mötuneyti, veitingahús, hótel, þvottahús, matvælafyrirtæki og annan iðnað. Stóreldhús og mötuneyti Fastus þjónustar meðal annars mötuneyti fyrirtækja, skóla og heilbrigðisstofnana. Þegar við hönnum eldhús þá skiptum við því upp í nokkur svæði þar sem hvert og eitt þeirra þarf að skoða með viðkomandi starfssemi í huga. Með réttri hönnun og skipulagi eldhússins skapast betri vinnuaðstaða og afköstin aukast. Eldhúsin sem starfsmenn Fastusar hafa hannað í gegnum tíðina skipta hundruðum og þú gengur að reynslunni vísri. Veitingahús og hótel Fastus býður upp á margþættar lausnir fyrir hótel og veitingastaði, til að mynda; mismunandi eldunarlausnir, þvottahús, flutningakerfi og fleira. Reynsla starfsmanna nýtist viðskiptavinum okkar við mat á lausnum og val á tækjabúnaði. Hjá okkur er úrval af áhugaverðum húsgögnum og innréttingum fyrir veitingastaði. |
