Heilbrigðistæknisvið þjónar sjúkrahúsum, heilbrigðisstofnunum og Sjúkratryggingum Íslands, dvalar- og
hjúkrunarheimilum, rannsóknarstofum og einstaklingum með fjölbreyttu vöruúrvali. Má þar nefna hjúkrunar-
og sjúkrarúm, skurðarborð, sótt- og dauðhreinsitæki, hjálpartæki fyrir umönnun ungra sem aldraðra,
rannsóknarvörur, vökva- og sprautudælur, leiðari, bæklunarvörur, sjúkraþjálfunarvörur, loftdýnur og ýmsar
aðrar vörur til varnar sáramyndun.
Mikil tækni- og vöruþekking er innan fyrirtækisins. Sérhæfing starfsmanna er á mismunandi heilbrigðissviðum
og hefur starfsfólk okkar fengið mikla menntun og þjálfun erlendis. Tæknifólk Fastus sækir reglulega námskeið
til útlanda og tryggir þar með að sjúkrahús og heilbrigðisstofnanir geti ávallt fengið framúrskarandi þjónustu hjá okkur.
• Sjúkrahús og heilbrigðisstofnanir
Heilbrigðistæknisvið sinnir öllum deildum sjúkrahúsanna. Auk almennra hjúkrunarvara og hjálpartækja einbeitir
fyrirtækið sér að bæklunarsviði, geðheilbrigðissviði, gjörgæslusviði, hjarta- og lungnasviði, kvennasviði, röntgensviði,
skurðsviði, speglunarsviði, svæfingarsviði og öldrunarsviði.
• Dvalar- og hjúkrunarheimili
Fastus hefur fjölbreytt vöruúrval fyrir dvalar- og hjúkrunarheimili og býr yfir mikilli þekkingu og reynslu af hönnun
hjúkrunarrýma með tilliti til mismunandi þarfa íbúa. Í boði eru hjúkrunarrúm, hjálpartæki fyrir hreyfihamlaða ásamt
húsgögnum sem eru sérstaklega hönnuð með tilliti til þarfa þessa hóps. Fastus hefur umboð fyrir hjúkrunar- og
sjúkrarúm frá Völker en þau hafa verið meðal vinsælustu hjúkrunar- og sjúkrarúma landsins og eru í notkun á
fjölda dvalar- og hjúkrunarheimila.
• Rannsóknarstofur
Rannsóknarsvið þjónar rannsóknarstofum og býður úrval lausna, s.s. tæki fyrir blóð- og hormónarannsóknir,
kæli- og frystiskápa, ljósbrotsmælitæki, rafdráttartæki, hitaskápa, innréttingar, microplötu-lesara, áhöld og rekstrarvörur.
Starfsmenn rannsóknarsviðs hafa mikla þekkingu, menntun og reynslu á þessu sviði.
• Endurhæfing og sjúkraþjálfun
Endurhæfingarsvið hefur fjölbreytt úrval af hjálpartækjum og sjúkraþjálfunarvörum. Ráðgjöf er veitt til einstaklinga
og fagfólks um þau hjálpartæki sem í boði eru og val á þeim. Fastus hefur gott sýningarsvæði þar sem tekið er á
móti fólki. Lögð er áhersla á vöruþekkingu og að henni sé miðlað áfram til fagfólks með kynningum og námskeiðum.
Fastus er með samning við Sjúkratryggingar Íslands í eftirfarandi vöruflokkum:
- Vinnustólar og sérstakir barnavinnustólar
- Sjúkrarúm og fólkslyftarar
- Bað- og salernishjálpartæki
- Hjólastólar og gönguhjálpartæki
- Þvagleggir og þvagpokar
Fastus býður lausnir fyrir sjúkraþjálfunar- og endurhæfingarstaði. Skoða má úrval sjúkraþjálfunarvara á sýningarsvæði heilbrigðisdeildar.