Map

Fastus valið eitt af fyrirmyndarfyrirtækjunum að mati VR

17.maí 2016

Fastus ehf fékk í gær viðurkenningu fyrir það að vera eitt af Fyrirmyndarfyrirtækjum að mati VR. Þetta þýðir að félagið er eitt af 10 efstu í sínum flokki.

Í hópi millistórra fyrirtækja, þar sem starfsmenn eru á bilinu 20 til 49 talsins, er Fastus hástökkvarinn með 4,54 í einkunn í ár samanborið við 4,14 í fyrra. Fastus er nú í hópi tíu efstu fyrirtækja í sínum stærðarflokki og er því fyrirmyndarfyrirtæki 2016, er í 7. sæti í ár samanborið við sæti 59 í fyrra. Eins í tilfelli hástökkvarans í hópi stærstu fyrirtækjanna hækkar einkunn fyrir stjórnun mikið á milli ára hjá Fastus, fer úr 3,93 í 4,31. En mesta breytingin er fyrir þáttinn launakjör, einkunn fyrir þann þátt fer úr 3,55 í 4,15 sem er mikið hærra en meðaltalið í þessum stærðarflokki en það er 3,39.

Þessar viðurkenningar eru byggðar á okkar eigin mati á starfssemi Fastus og endurspegla því að okkur sem hóp hefur tekist að mynda góðan vinnustað.

Þessi síða notar vafrakökur Lesa meira