Map

Fastus afhendir Matvælaskóla MK 19 stykki Convotherm ofna til notkunar

11.febrúar 2017

Nýlega afhentu Ralf Klein, forstjóri Convotherm í Þýskalandi og Einar Hannesson framkvæmdastjóri Fastus, Margréti Friðriksdóttur skólameistara MK, 19 stykki Convotherm 4 Easy Touch ofna til notkunar, en þeir eru með allra bestu ofnum sem fáanlegir eru. Nokkrir ofnanna eru með reykbúnaði, þannig að bæði er hægt að reykja og elda í þeim.

 

Fastus og Menntaskólinn í Kópavogi hafa undirritað samkomulag um að Fastus muni sjá Matvælaskóla MK fyrir öllum ofnum í skólann næstu 12 árin þeim algjörlega að kostnaðarlausu. Með þessu móti mun Fastus sjá til þess að Matvælaskólinn fylgi nýjustu straumum og stefnum í matreiðsluheiminum.

Fastus mun endurnýja ofnana á 4ra ára fresti og sjá þannig til þess að nemendur skólans verði alltaf með nýjustu og bestu ofnana sem völ er á. Fastus mun einnig sjá alfarið um allt viðhald og kennslu á ofnana.

Þessi síða notar vafrakökur
Það er til þess að tryggja eðlilega virkni og notendaupplifun. Með því að halda áfram notkun síðunnar, samþykkir þú notkun vafrakaka